Kemtuik nogo nebut
Kemtuik sedue kabung ngga, Mlem Yanim so pu go. No, Kleku Woysru-Banusru, mlap woysru-banosru, nggano, Ikuoy naklay Kemtuik nebut so pepen. Nggano, Kemtuik sedue kabung ngge, Gemle bu ketang ngga idi ey ngge idi lo gemang susuing. Nemotnang yakay ey, Kemtuik Nebut sogo Deguo Teguop mo lemoy.
Website ngge semu go nemot go seni... ngga sedue kemtuik tang go usam, Video, mambut pen, deguo teguop, ngga ey meno-meno ngge ba no tui go, saula-saula nan seguai go babu go ikum go mea kluo dali. Nggano, Kemtuik denok, Klisi denok, Mlap denok, Moy denok sip meno so amle ba logo Kemtuik nebut sogo ngge ba no ikum dali genang.
No, Kemtuik tang go nogo nebutpen ngga mata dega so gemang. Sam ngge ba no naklay klik genang, ku ngge kua nemot. Ngga tang sogo so, ku meno so walong bata sogo mea klik. Nggeasui go, ku ngge nogo Jacob ey Yuliana eygo Lokakarya 'Website' Kemtuik degut go nogo-a gabe pepen.
Ku 29 Oktober 2012 no atnamon Lokakarya mo degut, nggano, aya namon dia sik sogo lo atnang mo nguok. Nemotnang lo pu go: ku Kamis no mea yam. No, nemotnang go ku mo tebok. Ngga tang sogo so, atnang ku Jumaat 9 Nopember 2012 no mea yam.
Ngga tang sogo so, aya, mia dem, debui-yap nogo gabe pepen: nando go duduing suey go, sedue ibe senong genang sogo, sam ba no suey so klik go, se iti. Ngga ey suey so website ngge ba no tui go, ibe sono go mea leguit.
Kemtuik tang go nogo nebutpen nggeasui go ngge no yam gabe sesemu. Ku meno so walong bata sogo mea pen.
Suey yakay sang!
